喺2025年1月5日，樂橋嘅環保大隊再度出動，今次我哋嘅減廢腳步嚟到咗小欖海岸！雖然當日陽光普照，但沙灘上隱藏嘅垃圾量真係不容忽視，為一眾義工帶來咗一場體力同眼力嘅大考驗！一踏入沙灘，大家就見到大量被海浪沖上岸嘅垃圾。今次最難搞嘅，莫過於無處不在嘅塑膠廢物同埋隱藏喺沙入面、非常危險嘅碎玻璃！為咗還原潔淨嘅海岸，一眾熱血義工即刻變身「環境守護者」，帶起手套、執起夾子，逐一喺沙灘同石縫之間展開地毯式搜尋。
大家不顧腰酸背痛，仔細咁將碎片一件件執起，確保前嚟遊玩嘅市民同海洋生物唔會受傷。經過大家一成朝嘅汗水同齊心協力，成果極之豐碩——我哋足足清理咗五大袋塑膠垃圾同大量碎玻璃！看著原本雜亂嘅沙灘喺大家努力下回復原本嘅美麗與安全，那一刻嘅成就感真係爆燈，連吹過嚟嘅海風都覺得特別清爽！在這裡向當日無懼辛勞、默默付出嘅每一位熱血義工夥伴致敬，你哋每一吓彎腰，都為地球減少咗一份負擔。
環保路漫長，但有你哋同行，我哋一定可以將綠色力量傳得更遠。下一場減廢行動，期待繼續見到你嘅身影！✨