喺2025年1月5日，乐桥嘅环保大队再度出动，今次我哋嘅减废脚步嚟到咗小榄海岸！虽然当日阳光普照，但沙滩上隐藏嘅垃圾量真系不容忽视，为一众义工带来咗一场体力同眼力嘅大考验！一踏入沙滩，大家就见到大量被海浪冲上岸嘅垃圾。今次最难搞嘅，莫过于无处不在嘅塑胶废物同埋隐藏喺沙入面、非常危险嘅碎玻璃！为咗还原洁净嘅海岸，一众热血义工即刻变身「环境守护者」，带起手套、执起夹子，逐一喺沙滩同石缝之间展开地毯式搜寻。
大家不顾腰酸背痛，仔细咁将碎片一件件执起，确保前嚟游玩嘅市民同海洋生物唔会受伤。经过大家一成朝嘅汗水同齐心协力，成果极之丰硕——我哋足足清理咗五大袋塑胶垃圾同大量碎玻璃！看著原本杂乱嘅沙滩喺大家努力下回复原本嘅美丽与安全，那一刻嘅成就感真系爆灯，连吹过嚟嘅海风都觉得特别清爽！在这里向当日无惧辛劳、默默付出嘅每一位热血义工伙伴致敬，你哋每一吓弯腰，都为地球减少咗一份负担。
环保路漫长，但有你哋同行，我哋一定可以将绿色力量传得更远。下一场减废行动，期待继续见到你嘅身影！✨