喺2025年9月6日，樂橋義工大隊嘅綠色減廢大軍再度出動，今次我哋進擊環境極具挑戰性嘅青龍頭海岸線，展開一場熱血爆燈嘅淨灘大作戰！而今日最令人振奮、目光最吸睛嘅，莫過於我哋嘅隊伍中多了一個超精靈、超有幹勁嘅小義工夥伴，跟住爸爸一齊身體力行加入環保行列！青龍頭嘅海岸線佈滿岩石，地形崎嶇不平，對大小朋友嚟講絕對係一場體能與眼力嘅大考驗。
但大家完全冇喺怕！一到現場，大小義工即刻分工合作、全副武裝，化身成最強嘅「海洋守護者」。小義工化身「環保小戰士」，靈活咁喺石縫間穿梭，用小夾子細心搜尋隱藏嘅塑膠樽、廢棄漁網同碎玻璃；而大義工們就負責搬運沉甸甸嘅大件垃圾，老少協力，默契爆棚！雖然當日海風大、汗水不斷流，但小朋友完全冇叫辛苦，反而愈執愈起勁，見到海灘回復乾淨，個個臉上都洋溢著無比自豪嘅笑容，完美上了一堂最珍貴嘅實地環保課！
經過大家大半日嘅揮汗努力、手腳並用，我哋成功喺崎嶇嘅石灘中清理出10袋危害海洋生態嘅垃圾，還大自然一片潔淨嘅海岸！看到大家戰績彪炳、圍住垃圾大合照嗰一刻，現場嘅歡呼聲同成就感直接拉到最滿！在這裡要向當日每一位無懼地形崎嶇、不辭勞苦嘅大愛義工致敬——特別要大讚一班表現超班、活力爆棚嘅大小義工！多謝你哋用汗水與行動，將愛護地球嘅種子傳承落去！💙