踏入初夏，樂橋嘅環保大隊再次出動！喺2025年5月27日，我哋一班熱血義工帶埋裝備，前進到小欖海灘展開一場別具意義嘅海岸減廢行動！當日頂住初夏嘅熱浪，大家嘅環保熱情依然高漲。海灘上佈滿咗唔少被海浪沖上岸嘅塑膠樽、即棄餐具同各式各樣嘅海洋垃圾。義工們無懼烈日曬、不怕流汗，帶起手套、拎起垃圾袋，喺長長嘅海岸線上展開地毯式搜尋，連石縫入面嘅微細垃圾都通通清理乾淨！
經過大家一成朝嘅汗水同分工合作，成功將8袋垃圾運走，令小欖海灘再次回復原本嘅金黃沙灘與潔淨美景。看着成果一刻，大家臉上嘅滿足與成就感簡直比太陽仲要耀眼！非常感謝當日每一位無懼日曬、默默為環保付出嘅熱血義工夥伴，有你哋嘅並肩同行，我哋嘅海洋先可以維持美麗與健康。綠色行動，我們不會停步，繼續同你一齊守護地球！✨