喺2025年7月27日，乐桥义工大队嘅关怀步伐嚟到咗贴地又有人情味嘅星辉派饭！我哋将100袋装满祝福与健康嘅暖心福袋带入社区，同街坊长者们一齐过咗一个既充实又温馨嘅日子。当日现场气氛极之热烈，一早就有好多老友记同街坊喺度等候。我哋嘅热血义工队伍个个精神抖擞，分工合作，亲手将一份份精心准备、满载日常必需品同健康物资嘅福袋送到每一位前嚟嘅街坊手上。
除咗送上物资，义工们仲热情咁同老友记们问候倾计、讲笑话，现场充满住欢声笑语，社区嘅温馨温度瞬间拉满！看到长者们接过福袋时露出嘅慈祥笑容，听著大家真挚嘅谢意，当日负责搬搬擡擡、流晒大汗嘅义工伙伴都觉得一切辛劳都超有价值！喺度衷心感谢星辉菜馆嘅全力支持、场地配合与热心协助，亦要向每一位无私付出、将温暖带入社区嘅热血义工致敬。爱心不停步，乐桥继续同大家并肩同行，将正能量传遍每一个角落！❤🍱