喺5月份嘅最后一天，乐桥义工大队嘅关怀脚步嚟到咗热闹又充满本土情怀嘅元朗炮仗坊华苑粉面！今次嘅活动除咗有一班一如既往咁热血嘅大义工之外，仲迎来咗一班超级特别嘅「小帮手」——我哋可爱嘅小朋友义工，一齐将150份福袋同快乐带入社区！当日现场极之热闹，一早就有好多老友记同街坊前来支持。当一班精灵活泼嘅小朋友捧住暖心福袋，用稚嫩又响亮嘅声音向长者送上节日问候，并亲手将装满健康物资嘅福袋递到长者手上时，全场嘅气氛即刻被融化！
老友记们见到呢班咁乖巧嘅小义工，个个都笑到逐颜开，拉住小朋友嘅手赞不绝口。呢种跨代嘅关爱与传承，真系比任何 嘢都更加珍贵、更加动人！看著街坊们灿烂嘅笑容，听著一声声真挚嘅「谢谢」，那一刻现场流淌著嘅人情味真系爆灯！非常感谢华苑粉面嘅全力支持同场地配合，亦要向成班大大小小、出汗出力嘅热血义工伙伴致敬——特别系各位带埋小朋友一齐身体力行做善事嘅家长，你哋为小朋友栽种下善良嘅种子！爱心传承，乐桥不停步，让我们继续并肩同行 💖🎒