愛護社區，更要守護大自然！喺2025年12月7日，樂橋義工大隊嘅熱血足跡由市區延伸到大自然，我哋召集了大批充滿活力嘅義工家人，浩浩蕩蕩進擊屯門黃金海岸，開展了一場既考驗體力、又極具意義嘅沙灘清潔環保行動！活動當日，雖然海風陣陣帶點微涼，但我哋著住整齊醒目制服嘅熱血義工隊伍一去到沙灘，內心嘅環 保之火即刻熊熊燃燒！
大家帶齊手套、垃圾袋同夾子，分工合作化身成最強嘅「海岸守護者」，全速向沙灘各個角落推進，火力全開展開地毯式搜索！不論是隱藏喺沙堆中嘅微細煙頭、塑膠碎片，還是被海浪沖上岸嘅廢棄膠樽、鋁罐，通通逃不過我哋一班金精火眼嘅義工！大家唔怕污糟、唔怕辛苦，彎腰俯身、出汗出力，哪怕是石縫深處嘅垃圾都一樣夾到清清楚楚。
「大家加油！執多一件垃圾，海洋生物就少一份危險，守護黃金海岸一齊衝！」現場充滿了義工們互相打氣、響亮又充滿幹勁嘅歡笑聲。經過大半日嘅努力，當看著14袋沉甸甸、堆積如山嘅成果，再回頭望向那片變得乾淨、重現閃爍金光嘅超美沙灘，那一刻，大家就算搬到手軟、流晒大汗，內心嘅成就感同自豪感直接衝破天際！在這裡要向當日所有不辭勞苦、無懼海風、俯身出力嘅樂橋熱血義工家人致以最崇高嘅敬意！
多謝你哋用雙手同汗水，為環保行出最堅實嘅一步，用行動證明咩叫「美貌與善心並重」嘅守護者！大愛無界，綠色同行！樂橋送暖不停步，環保腳步亦絕不落空！🔥🌊🧹🎒