喺2025年8月10日，樂橋聯同志橋外國語言教育，為大家帶來咗一場充滿色彩與歡笑聲嘅 「達摩彩繪體驗班」！今次活動主打親子同樂，吸引咗好多爸爸媽媽帶埋精靈活潑嘅小朋友一齊嚟發揮創意，場面超級熱鬧溫馨！達摩不倒翁喺傳統文化中代表著堅持不懈同心願達成。喺專業導師嘅帶領下，6位大小朋友一齊開展咗一場藝術創作之旅。
現場嘅小朋友個個化身「小藝術家」，拿起畫筆、沾上繽紛嘅顏料，專注咁喺達摩公仔上勾勒出獨一無二嘅圖案；而爸爸媽媽就喺身邊貼心協助，一邊引導、一邊讚賞，現場滿滿都是互相討論同歡笑嘅聲音，親子間嘅默契與溫情瞬間拉滿！經過大半日嘅努力，一尊尊充滿個性、色彩斑斕嘅專屬達摩公仔陸續誕生！看到小朋友們興高采烈咁捧住自己嘅作品，同爸爸媽媽一齊影大合照，臉上露出滿足又自豪嘅笑容，那一刻嘅畫面真係無比治癒！
在這裡衷心感謝智橋外國語教育嘅全力支持同完美場地配合，亦要謝謝每一組前來參與、投入100%熱情嘅精靈家庭！因為有你哋嘅支持，等小朋友喺動手創作嘅同時，更學懂了堅持與祝福嘅意義。愛心與創意並行，樂橋不停步，繼續同大家一齊探索、一齊進步！❤✨